Fótbolti

Barcelona undirbýr „lífstíðarsamning“ fyrir Messi

Anton Ingi Leifsson skrifar
Hinn magnaði Lionel Messi gæti fengið greitt frá Barcelona alla ævi.
Hinn magnaði Lionel Messi gæti fengið greitt frá Barcelona alla ævi. vísir/getty
Barcelona er að undirbúa það að bjóða stórstjörnu félagsins, Lionel Messi, lífstíðarsamning hjá félaginu.

Messi hefur verið mikið í umræðunni eftir að forseti félagsins Josep Maria Bartomeu kom fram og sagði að Messi gæti farið frítt frá félaginu næsta sumar.

Núverandi samningur Messi rennur út árið 2021 en forseti Barcelona kom þá fram á föstudaginn og sagði í yfirlýsingu að það væri enginn vafi á því að Messi yrði áfram hjá félaginu.







Mundo Deportivo greinir svo frá því að Barcelona sé að undirbúa það að bjóða Argentínumanninum lífstíðarsamning. Forsetinn hefur gengið með þessar hugmyndir að undanförnu.

Reiknað er með að Argentínumaðurinn verði að spila að minnsta kosti þangað til á HM í Katar sem fer fram árið 2022 en þá verður hann 36 ára gamall.

Spænski boltinn

Mest lesið


Fleiri fréttir

Sjá meira


×

Mest lesið