Þráinn ráðinn framkvæmdastjóri VITA

Þráinn Vigfússon, sem undanfarin tíu ár hefur starfað sem fjármálastjóri VITA og Iceland Travel hefur verið ráðinn nýr framkvæmdastjóri ferðaskrifstofunnar VITA, dótturfélags Icelandair Group. Þráinn tekur við af Herði Gunnarssyni sem leitt hefur félagið í tæpan áratug.

Þráinn hefur eins og áður segir starfað sem fjármálastjóri VITA og Iceland Travel síðustu ár. Þar áður starfaði hann sem framkvæmdastjóri Kynnisferða á árunum 2004-2007. Leið Þráins upp metorðastigann hjá Kynnisferðum var samskonar og hjá VITA en áður hafði hann starfað sem Fjármálastjóri frá árinu 1996.

Þráinn er með Cand. Oecon gráðu af endurskoðunarsviði frá Háskóla Íslands. Hann er giftur Svövu Liv Edgarsdóttur, matvælafræðingi og eiga þau þrjá syni.