Úrslitakeppni NFL deildarinnar klár og lítur svona út

Deildarkeppni NFL-deildarinnar kláraðist í nótt og nú er því endanlega ljóst hvaða lið mætast í úrslitakeppninni sem hefst um næstu helgi.

Philadelphia Eagles varð tólfta og síðasta liðið til að tryggja sér sæti í úrslitakeppninni og gerði það á kostnað Dallas Cowboys sem missir af úrslitakeppninni í ár. Tennessee Titans tryggði sig líka inn í úrslitakeppnina í gær.

Philadelphia Eagles gulltryggði sætið með 34-17 sigri á New York Giants en það dugði ekki Dallas Cowboys liðinu að vinna 47-16 sigur á Washington Redskins.

Tennessee Titans tryggði sig inn með 35-14 sigri á Houston Texans en Texans liðið hafði áður tryggt sér sæti í úrslitakeppninni. Derrick Henry hljóp alls 211 jarda með boltann og tryggði sér titilinn hlaupakóngur deildarinnar.

Wild Card Weekend! #NFLPlayoffs#WeReadypic.twitter.com/P4wySAdxYu

— NFL (@NFL) December 30, 2019

Óvæntustu úrslit lokaumferðarinnar voru án ef tap New England Patriots á heimavelli á móti lélegasta liði deildarinnar, Miami Dolphins. Þetta tap er líka slæmt fyrir Patriots-liðið sem hefði tryggt sér frí um næstu helgi með sigri.

Kansas City Chiefs fagnaði ekki aðeins sigri á Los Angeles Chargers heldur fékk líka liðið að sitja hjá í fyrstu umferð úrslitakeppninnar þökk sé tapi New England Patriots.

San Francisco 49ers tryggði sér líka frí um næstu helgi með því að vinna 26-21 sigur á Seattle Seahawks í kvöldleiknum en naumur 23-20 sigur Green Bay Packers á Detroit Lions hafði einnig fært Packers liðinu þann lúxus að hvíla sig um næstu helgi.

Tvö efstu liðin í báðum deildum sleppa við að spila leik á Wild Card helginni en fá síðan að mæta sigurvegurunum þar viku seinna.

Öll úrslitakeppnin verður í beinni á Stöð 2 Sport en dagskrá næstu helgar er eftirfarandi:

The NFL Playoff schedule: pic.twitter.com/qe8AuAlAu0

— Ian Rapoport (@RapSheet) December 30, 2019

Laugardagur 4. janúar

Klukkan 21:35  

Houston Texans - Buffalo Bills

Klukkan 1:15

New England Patriots - Tennessee Titans

Sunnudagur 5. janúar

Klukkan 18:05  

New Orleans Saints - Minnesota Vikings

Klukkan 21:40  

Philadelphia Eagles - Seattle Seahawks

The #NFLPlayoffs are set! pic.twitter.com/JUPNOiDKSA

— NFL (@NFL) December 30, 2019