Leit að Söndru Líf lokið í dag

Leit að Söndru Líf Þórarinsdóttur Long stóð yfir til klukkan 17:30 í dag en þá var henni frestað til morguns. Gert er ráð fyrir að skipulag leitarinnar verði með sama hætti á morgun auk þess sem drónar verða nýttir til leitar ef veður leyfir. Þetta kemur fram í tilkynningu frá lögreglunni á höfuðborgarsvæðinu.

Í dag leitaði þyrla Landhelgisgæslunnar með fram strandlengjunni frá Seltjarnarnesi suður fyrir Álftanes. Þá voru fjörur vaktaðar á háfjöru, sem var klukkan rúmlega 4, bæði úr landi og frá sjó af björgunarsveitarmönnum frá Slysavarnafélaginu Landsbjörg.