Er ánægður að Mourinho hafi tekið við af sér og rifjar upp gamalt atvik frá Bernabeu

Mauricio Pochettino, fyrrverandi stjóri Tottenham, er ánægður með að það hafi verið Jose Mourinho sem tók við af honum hjá Tottenham en þeir hafa verið vinir í mörg ár og gaf meira segja Mourinho m.a. börnum Pochettino Real Madrid föt.

Í viðtali á dögunum rifjaði Pochettino upp þegar hann var að þjálfa Espanyol og Mourinho var þjálfari Espanyol. Pochettino var á þeim tíma orðaður við starfið á Bernabeu því hitna væri undir Mourinho en Pochettino var spurður um starfið hjá Real Madrid í viðtali fyrir leikinn.

„Það eru mörg ár síðan. Ég sagði að ég væri ekki að hugsa um það og svo sofa börnin mín í Espanyol náttfötum svo það yrði erfitt fyrir mig að skipta. Ég er skuldbundinn Espanyol,“ en Mourinho nýtti sér þetta.

„Þegar ég kom á leikvanginn þá beið Jose mín með poka af flottu frönsku rauðvíni og tvo Real Madrid búninga; stuttbuxur og treyju. Hann sagði: Þetta er fyrir börnin þín. Við höfum haldið góðu sambandi og höfum þekkt hvorn annan lengi og hann er topp þjálfari.“

„Ég hugsaði að ég gæti tekið mögulega einn daginn tekið starfið hans hjá Real Madrid og hann hefur núna tekið mitt starf hjá Tottenham. Ótrúlegt. Ég er ánægður að hann tók við af mér. Ég er ánægður á hvaða stað ég yfirgaf félagið með einu af bestu umgjörð í heimi.“