Southampton vann öruggan 3-0 útisigur á botnliði Norwich í ensku úrvalsdeildinni í fótbolta í kvöld en þetta var fyrsti leikur beggja liða eftir kórónuveirufaraldurinn.
Danny Ings skoraði fyrsta mark leiksins snemma í seinni hálfleik eftir stutta sendingu frá Stuart Armstrong sem skoraði svo sjálfur skömmu síðar, eftir sendingu frá Ings. Þriðja markið skoraði Nathan Redmond tíu mínútum fyrir leikslok.
Ings hefur nú skorað sextán mörk á leiktíðinni og aðeins þeir Jamie Vardy (19) og Pierre-Emerick Aubameyang (17) hafa gert fleiri. Ings hefur hins vegar ekki skorað neitt þessara marka af vítapunktinum.
No player has scored more non-penalty goals in the Premier League so far this season than Danny Ings (16).
— Squawka Football (@Squawka) June 19, 2020
Straight back to business. pic.twitter.com/y9Ggjh7bnU
Southampton er með 37 stig í 13. sæti, komst upp fyrir Newcastle sem á leik til góða, en Norwich situr sem fastast á botninum með 21 stig, sex stigum frá næsta örugga sæti.