Sport

Sher­rock fyrsta konan sem er boðið að keppa í úr­vals­deildinni í pílu­kasti

Ingvi Þór Sæmundsson skrifar
Sherrock braut blað í pílusögunni á aðventunni,
Sherrock braut blað í pílusögunni á aðventunni, vísir/getty

Fallon Sherrock, sem skrifaði sig á spjöld sögunnar á HM í pílukasti, hefur fengið boð um að keppa í úrvalsdeildinni í pílukasti.

Sherrock vakti heimsathygli þegar hún sigraði Ted Evetts í 1. umferð HM. Hún varð þar með fyrsta konan til að vinna leik á HM í pílukasti.

Sherrock fylgdi því eftir með því að vinna Mensur Suljovic í 2. umferð. Hún laut svo í lægra haldi fyrir Chris Dobey í 3. umferðinni.

Árangur Sherrocks hefur opnað dyr fyrir hana sem áður voru lokaðar. Hún fékk boð um að keppa á heimsmótaröðinni, World Series of Darts. Og í gær var tilkynnt að hún yrði einn níu áskorenda í úrvalsdeildinni í pílukasti.

Níu fremstu pílukastarar heims keppa í hverri umferð úrvalsdeildarinnar auk eins áskoranda. Ljóst er að Sherrock keppir í 2. umferð úrvalsdeildarinnar í Nottingham 13. febrúar.

Heimsmeistarinn Peter Wright, Michael van Gerwen, Rob Cross og Gerwyn Price komust sjálfkrafa í úrvalsdeildina. Michael Smith, Gary Anderson, Daryl Gurney, Nathan Aspinall og Glen Durrant fengu aukasæti. Búið er að tilkynna fyrstu tvo áskorendurna; Sherrock og John Henderson.



Stig sem áskorendur fá telja ekki á stigatöflu úrvalsdeildarinnar. Þeir fá hins vegar peningaverðlaun fyrir að vinna leiki eða gera jafntefli.

Van Gerwen hefur unnið úrvalsdeildina fjórum sinnum í röð.

Keppni í úrvalsdeildinni hefst 6. febrúar og lýkur 21. maí.

Pílukast

Tengdar fréttir

„Karlabaninn“ í pílunni fékk sögulegt boð

Frammistaða Fallon Sherrock á HM í pílukasti er að skila henni sæti á heimsmótaröðinni, World Series of Darts, á næsta ári. Sherrock heldur því áfram að skrifa sögu pílunnar.

Mest lesið


Fleiri fréttir

Sjá meira


×

Mest lesið