Í beinni: Hand­bolti og körfu­bolti hér heima og Mourin­ho út í heimi

Það eru þrjár beinar útsendingar á dagskrá Stöðvar 2 í dag. Handbolti, körfubolti og fótbolti eru á dagskránni í kvöld.

Skallagrímur og Keflavík mætast í Dominos-deild kvenna. Keflavík í 3. sætinu með 24 stig en Skallagrímur er í 5. sætinu með 20 stig.

Klukkan 19.45 verður flautað til leiks í enska bikarnum er Tottenham og Southampton mætast í endurteknum leik. Sigurvegarinn kemst í 16-liða úrslitin.

Svava Kristín Grétarsdóttir og spekingar hennar mæta svo til leiks klukkan 21.15 er Olís-deild kvenna útgáfan af Seinni bylgjunni fer af stað.

Umferðir sjö til fjórtán verða gerðar upp og rýnt í komandi leiki.

Allar beinu útsendingar næstu daga má sjá á heimasíðu Stöðvar 2.

Beinar útsendingar dagsins:

19.05 Skallagrímur - Keflavík (Stöð 2 Sport 2)

19.40 Tottenham - Southampton (Stöð 2 Sport)

21.15 Seinni bylgjan - Olís deild kvenna (Stöð 2 Sport 2)