Einn Bob út fyrir annan hjá Disney

Disney hefur tilkynnt að Bob Iger, sem stýrt hefur fyrirtækinu undanfarin ár, hefur til hliðar úr stöðu forstjóra. Við honum tekur Bob Chapek, sem hefur stýrt skemmtigörðum Disney undanfarin ár. Iger mun þó áfram starfa hjá Disney út næsta ár. Auk þess situr hann í stjórn fyrirtækisins.

Iger, sem er 69 ára gamall, stýrði kaupum Disney á eignum Fox, Marvel, Lucasfilm og Pixar. Hann stýrði sömuleiðis uppbyggingu efnisveitu fyrirtækisins, Disney Plus. Hann varð forstjóri Disney árið 2005.

Chapek hefur starfað hjá fyrirtækinu í 27 ár og verður hann sjöundi forstjóri Disney á tæplega hundrað ára langri sögu fyrirtækisins.

AP fréttaveitan segir vendingarnar hafa komið greinendum og sérfræðingum í opna skjöldu. Iger sagði þó blaðamönnum í kvöld að hann vildi einbeita sér frekar að sköpunarhlið Disney og það gæti hann ekki sem forstjóri.

Hann sagði breytingu þessa vera tímabæra.