Gerði grín að Fjallinu og sýndi honum hvernig á að boxa

Eddie Hall og Hafþór Júlíus Björnsson eru ekki vinir og í raun langt því frá. Það hefur andað köldu á milli þeirra í lengri tíma.

Það andar það köldu á milli þeirra að þeir hafa ákveðið að mætast í boxhringnum í Las Vegas á næsta ári.

Báðir eru þeir aflraunamenn sem hafa m.a. unnið keppnina Sterkasti maður heims; Hafþór árið 2018 og Eddie árið þar á undan.

Í nýjasta myndbandinu sínu skýtur Englendingurinn Eddie föstum skotum á boxæfingu Hafþórs.

Hann sýnir honum hvernig á að boxa og tekur m.a. klippu úr myndbandi Hafþórs fyrir ekki svo löngu og ber hann saman við sig.

Það verður ansi fróðlegt að sjá hvernig viðureign þeirra í boxhringnum mun enda en ljóst er að þeir hafa þrettán mánuði til að undirbúa sig enn betur.