Ísland búið að fá á sig fleiri mörk í Þjóðadeildinni en öll landslið Evrópu

Íslenska karlalandsliðið í fótbolta tapaði í kvöld sjöunda leiknum í röð í Þjóðadeildinni en íslenska liðið hefur enn ekki náð í úrslit A-deild keppninnar.

Íslensku strákarnir hafa tapað þessum sjö leikjum í Þjóðadeildinni með markatölunni 2-22. Liðið hefur fengið á sig mark á 29 mínútna fresti en það hafa liðið 315 mínútur á milli marka íslenska liðsins.

Nú er svo komið að Ísland búið að fá á sig fleiri mörk í Þjóðadeildinni en öll landslið Evrópu.

Litháen er í öðru sætinu en Litháar hafa nú fengið á sig tveimur mörkum færra en íslenska liðið.

Íslenska landsliðið er náttúrulega að spila við gríðarlega sterkar þjóðir í A-deildinni en sú þjóð sem hefur fengið á sig næstfæst mörk í A-deildinni er Króata en andstæðingar þeirra hafa skorað 19 mörk.