Söngdívurnar fjórar slógu í gegn hjá Ingó

Aldrei skal vanmeta mátt tónlistarinnar og sérstaklega ekki á tímum sem þessum. Í þættinum Í kvöld er gigg í gærkvöldi fékk Ingó til sín söngdívurnar fjórar þær Elísabetu Ormslev, Regínu Ósk, Jóhönnu Guðrúnu og Stefaníu Svavars. 

Mikið var um dýrðir og sungu dívurnar sínar uppáhalds „power-ballöður“ bæði einar og saman. Sum lögin voru greinilega undirbúin og æfð en önnur lög sem Ingó skoraði á þær að syngja með engum fyrirvara. 

Fyrra lagið í klippunni hér fyrir neðan, Killing Me Softly, var eitt af þeim lögum sem ekki voru undirbúin og er útkoman stórskemmtileg. Seinna lagið er lagið Natural Woman sem dívurnar fluttu saman af mikilli snilld. 

Njótið. 

Fyrir áhugasama er hægt að nálgast alla þættina af Í kvöld er gigg inn á Stöð 2 maraþon.