Kristján markahæstur í naumum sigri

Handknattleiksmaðurinn Kristján Örn Kristjánsson átti góðan leik þegar lið hans PAUC AIX vann sigur með minnsta mun á Cesson-Rennes í frönsku úrvalsdeildinni í handbolta í dag.

Leiknum lauk með eins marks sigri PAUC, 23-24 í hörkuleik.

Kristján Örn var markahæstur sinna manna með fjögur mörk úr sex skotum en Nicolas Claire var sömuleiðis með fjögur mörk. 

PAUC AIX í sjöunda sæti deildarinnar en 16 lið leika í frönsku úrvalsdeildinni.

Í Þýskalandi var Bjarki Már Elísson næstmarkahæstur í liði Lemgo sem gerði jafntefli við Leipzig, 32-32.

Bjarki Már gerði fimm mörk úr sex skotum en Spánverjinn Guardiola var markahæstur í liði Lemgo með sex mörk.