Ingi­björg leik­maður ársins í Noregi

Ingibjörg hefur verið hreint út sagt mögnuð í hjarta varnar Vålerenga á tímabilinu. Liðið endaði sem meistari þar sem Ingibjörg var ekki aðeins sem klettur í vörn liðsins heldur skoraði hún fimm mörk í deildinni. Þar af nokkur sem tryggðu sigur.

Hún mætti í stutt spjall þar sem rætt var við hana um verðlaunin. Hún sagði að hún hefði verið mjög stressuð er þjálfari hennar hafi tilkynnt henni að þau þyrftu að ræða saman eftir æfingu. Hélt Ingibjörg að mögulega yrði hún bekkjuð í bikarúrslitaleiknum.

Bikarúrslitaleikurinn er í gangi sem stendur en að venjulegum leiktíma loknum er staðan markalaus og því þarf að framlengja.

Hér að neðan má sjá viðtal við Ingibjörgu Sigurðardóttur, Noregsmeistara og besta leikmann norsku úrvalsdeildarinnar 2020.