Ingibjörg á forsíðu íþróttablaðs Verdens Gang

Ingibjörg lék allan leikinn þegar Vålerenga varð bikarmeistari eftir 2-0 sigur á Lillestrøm í úrslitaleik í gær.

Gott tímabil varð því enn betra fyrir Vålerenga en liðið varð Noregsmeistari um þarsíðustu helgi. Þetta eru fyrstu stóru titlarnir í sögu félagsins.

Sigur Vålerenga í bikarúrslitaleiknum í gær rataði á forsíðu íþróttablaðs VG. Þar sést Ingibjörg fagna bikarmeistaratitlinum ásamt stöllum sínum.

Fyrir bikarúrslitaleikinn í gær var greint frá því að Ingibjörg hefði verið valinn besti leikmaður norsku úrvalsdeildarinnar. Ingibjörg var ekki bara öflug í vörn Vålerenga á tímabilinu heldur skoraði einnig fimm mörk.

Ingibjörg kom til Vålerenga frá Djurgården í Svíþjóð fyrir tímabilið sem var svo sannarlega frábært hjá Grindvíkingnum.

Auk árangursins með Vålerenga var Ingibjörg í lykilhlutverki í íslenska landsliðinu sem tryggði sér sæti á EM 2022 á dögunum.