„Bruno er að gera það sem Pogba átti að gera“

Emmanuel Petit, fyrrum leikmaður Arsenal og franska landsliðsins, segir að Bruno Fernandes hafi komið inn með þá hluti í lið Manchester United sem Paul Pogba átti að koma með inn í félagið.

Fernandes hefur verið magnaður frá því að hann kom til félagsins frá portúgalska liðinu Sporting. Hann hefur leikið níu leiki og skorað í þeim þrjú mörk auk þess að gefa fjórar stoðsendingar.

„Fernandes hefur haft mikil áhrif. Á þessum tveimur mánuðum er hann bestu kaupin á markaðnum í janúar. Hann hefur haft rosaleg áhrif. Það er eins og hann hafi verið í félaginu í sex ár,“ sagði Petit við Mirror og hélt áfram:

„Hann hefur breyt hugarfarinu í búningsklefanum. Það er erfitt að koma inn á miðju tímabili og gera þetta. Paul Pogba átti að gera þetta hjá United. Þetta hefði hann átt að gera og leiða liðið inni á vellinum.“

Þrátt fyrir gagnrýnina á Pogba segir Petit að það hlakki í honum að sjá þessa tvo frábæru leikmenn spila saman en Pogba hefur verið á meiðslalistanum frá því að Bruno kom til Rauðu djöflanna.

„Ég hlakka hins vegar til að sjá þá saman á vellinum. Ég vil sjá hvort að það virki og ég er nokkuð viss um að það geti virkað,“ sagði Petit.