Leikmenn smeykir við leikjaálagið framundan

Keppni í Domino's deildum kvenna og karla hefjast á ný í næstu viku eftir að grænt ljós var gefið á keppnisleiki eftir langt hlé vegna Kórónuveirufaraldursins. 

„Við erum glaðar að fá að æfa, maður áttar sig á því hvað þetta skiptir mann miklu máli þegar maður fær ekki að æfa. 

Það er langt síðan við höfum verið að spila af einhverju viti. En við erum glaðar að fá að fara af stað og undirbúa okkur eins vel og við getum en álagið verður mikið, þannig við þurfum að hugsa vel um okkur og mæta einbeittar í þetta,“ sagði Hildur Björg.