Körfubolti

Valskonur rúlluðu yfir KR

Arnar Geir Halldórsson skrifar
Kiana Johnson.
Kiana Johnson. Vísir/Daníel

Valskonur fóru illa með KR í Dominos deild kvenna í körfubolta þegar liðin áttust við að Hlíðarenda í kvöld.

Þessi lið í afar ólíkri stöðu í deildinni þar sem Valur trónir á toppnum á meðan KR er á botninum og það var snemma ljóst í hvað stefndi í leiknum í kvöld.

Valur vann fyrsta leikhlutann 17-8 og höfðu yfirburði allan leikinn.

Fór að lokum svo að Valur vann afar öruggan 27 stiga sigur, 73-46.

Kiana Johnson fór fyrir liði Vals með sautján stig og sex stoðsendingar auk þess að taka níu fráköst.

Annika Holopainen skoraði mest KR kvenna eða heil 28 stig.

Domino's-deildirnar í körfubolta eru á Stöð 2 Sport en upplýsingar um útsendingar má finna hér. Domino's-deildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.

Dominos-deild kvenna Valur KR

Mest lesið


Fleiri fréttir

Sjá meira


×

Mest lesið