Fótbolti

Norr­köping á­fram eftir jafn­tefli í Ís­lendinga­slagnum

Runólfur Trausti Þórhallsson skrifar
Ísak Bergmann og félagar hans í Norrköping eru komnir áfram í 8-liða úrslit sænska bikarsins.
Ísak Bergmann og félagar hans í Norrköping eru komnir áfram í 8-liða úrslit sænska bikarsins. Norrköping

Ísslendingaliðin Norrköping og Gautaborg gerðu 1-1 jafntefli í sænska bikarnum í knattspyrnu í dag. Norrköping fer því áfram en Gautaborg þurfti að vinna leikinn til að komast upp úr riðli sex í bikarkeppninni.

Ísak Bergmann Jóhannesson var í byrjunarliði Norrköping en Kolbeinn Sigþórsson kom inn af varamannabekk Gautaborgar á 72. mínútu leiksins. Þá voru Finnur Tómas Pálmason og Oliver Stefánsson á varamannabekk Norrköping.

Stórstjarnan Marek Hamsik lék ekki með Gautaborg í dag.

Norrköping vann sum sé riðilinn með jafntefli dagsins og er því komið áfram í 8-liða úrslit. Leikið er í fjögurra liða riðlum og fer efsta lið hvers riðils fyrir sig áfram.

Fótbolti Sænski boltinn

Mest lesið


Fleiri fréttir

Sjá meira


×

Mest lesið