Fótbolti

Gló­dís Perla þriðji Ís­lendingurinn í átta liða úr­slit Meistara­deildarinnar

Anton Ingi Leifsson skrifar
Glódís Perla og stöllur komust áfram í kvöld eftir góðan útisigur.
Glódís Perla og stöllur komust áfram í kvöld eftir góðan útisigur. Chelsea Football Club/Getty

Glódís Perla Viggósdóttir og Rosengård eru komnar í átta liða úrslit Meistaradeildarinnar eftir 2-0 sigur á St. Polten í Austurríki.

Rosengård bjargaði jafntefli í uppbótartíma í fyrri leiknum sem lauk með 2-2 jafntefli og því var allt opið fyrir síðari leikinn í kvöld.

Rosengård komst yfir á 26. mínútu og stundarfjórðungi síðar bættu þær við öðru markinu. Fleiri urðu mörkin ekki, hvorki í fyrri né síðari hálfleik, og lokatölur 2-0. Samanlagt 4-2.

Glódís Perla spilaði allan leikinn í vörn Rosengård en Kristrún Rut Antonsdóttir var ónotaður varamaður hjá St. Polten.

Glódís Perla, Sara Björk Gunnarsdóttir (Lyon) og Karólína Lea Vilhjálmsdóttir (Bayern Munchen) verða því allar í pottinum er dregið verður í átta liða úrslitin.

Meistaradeild Evrópu

Mest lesið


Fleiri fréttir

Sjá meira


×

Mest lesið