Aníta Briem hundelt og þarf þína aðstoð

Nýtt gagnvirkt markaðsátak þar sem áhorfandinn sjálfur stjórnar æsispennandi eltingaleik um götur Reykjavíkur fór í loftið í dag. Þar kemur einnig í ljós hver stendur á bak við þetta metnaðarfulla verkefni, en stiklan fyrir Veldu núna vakti athygli á Vísi fyrir helgi.

Átakið heitir Veldu núna og eins og kom fram í frétt okkar í síðustu viku skartar það leikurunum Anítu Briem og Snorra Engilbertssyni í aðalhlutverkum. Einnig má sjá Kristbjörgu Kjeld, Odd Júlíusson og leikarana í Kardimommubænum bregða fyrir ásamt fleiri þjóðþekktum andlitum.

Mikil leynd hefur hvílt yfir þessu verkefni en nú getum við sagt frá því að um er að ræða æsispennandi gagnvirka upplifun þar sem Aníta og Snorri þurfa hjálp frá áhorfandanum til að komast í burtu frá illmennum. Áhorfandinn velur flóttaleið þeirra með raddstýringu eða smellum í gegnum snjalltæki. Hvað nákvæmlega gerist í sögunni og hvað sögupersónur gera næst er því undir hverjum og einum komið.

Útfærslan er algjörlega einstök og á sér ekki hliðstæðu hérlendis svo óhætt er að segja að hér sé verið að brjóta blað í stafrænni markaðssetningu og tækniþróun. Hægt er að spila eltingaleikinn á íslensku, ensku og pólsku.

Útfærslan á sér ekki hliðstæðu hérlendis og brýtur því blað í stafrænni markaðssetningu og tækniþróun. Til þess að spila eltingaleikinn þarft þú að fara yfir á aðra síðu og í síðasta skrefinu kemur í ljós hver ástæðan er á bak við þetta verkefni.

Hægt er að spila eltingaleikinn á íslensku, ensku og pólsku með því að fara á síðuna Veldu núna. 

WWW.VELDUNUNA.IS