Mayweather mætir YouTube-stjörnu í hringnum í júní

Mayweather og Paul áttu upphaflega að mætast 20. febrúar en bardaganum var frestað um fjóra mánuði. Nú er ljóst að þeir mætast í einhvers konar æfingabardaga í byrjun júní.

Paul tapaði fyrsta og eina boxbardaga sínum á ferlinum fyrir annarri YouTube-stjörnu, KSI, fyrir tveimur árum.

Hinn 44 ára Mayweather hefur unnið alla fimmtíu bardaga sína á ferlinum. Síðasti boxbardagi hans var gegn Conor McGregor 2017. Þá vann Mayweather með tæknilegu rothöggi.

Mayweather mætti japanska sparkboxaranum Tenshin Nasukawa í æfingabardaga í desember 2018. Það tók Mayweather aðeins 140 sekúndur að vinna Nasukawa.