Paul Pogba gekk með palestínska fánann um Old Trafford eftir leik

Sýndu þeir félagar stuðning sinn við Palestínumenn sem mega þessa dagana þola miklar loftskeytaárásir frá Ísraelsmönnum en enn á ný hafa deilur blossað upp á milli gyðinga og araba á svæðinu.

Grimmdin hefur ekkert farið framhjá neinum en alþjóðsamfélaginu hefur því miður ekki tekist að pressa á vopnahlé.

Pogba og Diallo gengu um allan Old Trafford með palestínska fánann en þetta var fyrsti heimaleikur Manchester United í langan tíma þar sem áhorfendur voru leyfðir á pöllunum.

Ísraelski landsliðsmaðurinn Eran Zahavi hjá PSV Eindhoven átti sitt svar við þessu útspili Pogba og Diallo.

Hann skellti sér í myndvinnslu í tölvunni sinni og skipti palestínska fánanum út fyrir fána Ísrael. Þetta gerði Zahavi í annað skiptið á stuttum tíma en hann hafði saman háttinn á þegar leikmenn Leicester City fögnuðu sigri í ensku bikarkeppninni með því að halda uppi palestínska fánanum á Wembley.

Eran Zahavi hefur skorað 11 mörk í 24 leikjum með PSV Eindhoven á tímabilinu en hann hefur skorað 25 mörk í 66 landsleikjum fyrir Ísrael.