Ellefu nemendur drukknuðu í skólaferðalagi í Indónesíu

Um 150 nemendur voru í ferðinni en tilgangur skólaferðalagsins var að hreinsa árbakka Cileueur-árinnar í Ciamis þar í landi en mikil aurskriða féll á svæðinu fyrr í vikunni. Skriðurnar gleyptu þrjátíu hús og að minnsta kosti átta létust. Þetta kemur fram í frétt Deutsche Welle. 

Talið er að nemendur hafi runnið á sleipum árbotninum með þeim afleiðingum að 21 nemandi féll út í ána. Nemendurnir héldust hönd í hönd þegar þeir hugðust þvera ána en fyrir liggur að nemendurnir hafi ekki verið í björgunarvestum. Björgunaraðilum tókst að bjarga tíu nemendum en ellefu létu lífið. Nokkrir kennarar slösuðust í aðgerðunum.