Fótbolti

Ástand Emils stöðugt

Ingvi Þór Sæmundsson skrifar
Emil Pálsson hefur leikið sem atvinnumaður erlendis síðan 2017.
Emil Pálsson hefur leikið sem atvinnumaður erlendis síðan 2017. epa/ANTONIO BAT

Ástand Emils Pálssonar, sem hné fór í hjartastopp í leik Sogndal og Stjørdals/Blink í norsku B-deildinni í gær, er stöðugt. Þetta kemur fram í stuttri yfirlýsingu frá Sogndal í dag.

Emil hné niður á 12. mínútu í leiknum í gær. Hann var endurlífgaður á staðnum og í kjölfarið fluttur með sjúkraþyrlu á háskólasjúkrahúsið í Haukeland í Björgvin.

Að því er fram kemur í yfirlýsingu Sogndal er ástand Emils stöðugt. Hann verður rannsakaður frekar í dag. Sogndal mun svo flytja fréttir af Emil þegar meira er vitað um líðan hans.

Fjölskylda Emils er komin út til Noregs. Í morgun var hún í Osló og að bíða eftir flugi til Björgvins.

Emil, sem er 28 ára, er í láni hjá Sogndal frá Sarpsborg 08. Hann lék áður með Sandefjord á árunum 2017-21.

Hér heima lék Emil með BÍ/Bolungarvík, FH og Fjölni. Hann var valinn besti leikmaður efstu deildar 2015. Emil varð Íslandsmeistari með FH 2012, 2015 og 2016.

Norski boltinn

Mest lesið


Fleiri fréttir

Sjá meira


×

Mest lesið