Loginn slokknaði hjá Camilu og Shawn

Mendes og Cabello hafa verið vinir frá árinu 2014 og gefið út mörg lög saman. Ástin kviknaði á þeim tíma sem þau gáfu út lagið Señorita árið 2019 og hafa þau verið mjög áberandi saman síðan.

Þau komu fram saman á Global Citizen Live viðburðinum í lok september og kysstust þá og létu vel að hvort öðru á sviðinu. Þann 13. september vöktu þau mikla athygli á MET gala.

„Við höfum ákveðið að enda rómantískt samband okkar en ást okkar hefur aldrei verið sterkari,“ sagði meðal annars í tilkynningu þeirra. Þökkuðu þau aðdáendunum fyrir allan stuðningin í gegnum árin og í framtíðinni. Tilkynninguna má sjá hér fyrir neðan.