Búið að hafa samband við Valverde um að taka við United til bráðabirgða

Valverde er einn af nokkrum sem koma til greina sem bráðabirgðastjóri liðsins út tímabilið, en forráðamenn United ætla sér ekki að ráða varanlegan stjóra fyrr en næsta sumar.

Þessi 57 ára Spánverji var síðast við stjórnvölin hjá Barcelona þar sem hann gerði þá að spænskum meisturum í tvígang áður en hann var látinn fara í janúar á síðasta ári.

Þá gerði hann Olympiakos einnig að grískum meisturum í þrígang, ásamt því að hafa þjálfað Espanyol, Valencia og Athletic Bilbao á Spáni.