Innlent

Ekkert skóla­hald í Eski­fjarðar­skóla vegna smits

Atli Ísleifsson skrifar
Frá Eskifirði. Myndin er úr safni.
Frá Eskifirði. Myndin er úr safni. Vísir/Vilhelm

Ákveðið hefur verið að fella niður skólahald í Eskifjarðarskóla í dag eftir að starfsmaður skólans greindist með COVID-19 í gær.

Skólayfirvöld í Fjarðabyggð ákváðu þetta í samráði aðgerðastjórn á Austurlandi í gær.

Á vef lögreglunnar segir að allir starfsmenn skólans og nemendur séu hvattir til að fara í PCR-sýnatöku í dag á Heilsugæslustöðina á Reyðarfirði milli klukkan 12:00 og 13:00.

„Þeir eru og beðnir um að halda sig til hlés fram til þess að niðurstaða sýnatöku verður ljós, sem ætti að vera annað kvöld.

Aðgerðastjórn fylgist með gangi mála og sendir út aðra tilkynningu þegar frekari upplýsingar liggja fyrir.“

Faraldur kórónuveiru (COVID-19) Fjarðabyggð Grunnskólar Skóla - og menntamál

Mest lesið


Fleiri fréttir

Sjá meira


×

Mest lesið