Maradona slagur í Evrópudeildinni

Dregið var í sextán liða úrslitin í dag og spænska stórliðið lenti á móti öðru stórliði frá Ítalíu.

Barcelona dróst nefnilega á móti ítalska félaginu Napoli þegar dregið var í sextán liða úrslitin.

Napoli er eins og er í fjórða sæti ítölsku deildarinnar.

Þetta eru einmitt félögin tvö sem gerðu bæði Diego Maradona að dýrasta knattspyrnumanni heims á sínum tíma.

Evrópudeildin gæti verið sérstaklega mikilvæg fyrir Barcelona því lítið gengur í deildinni heima fyrir þar sem Börsungar sitja nú í áttunda sæti.

Sigurvegari Evrópudeildarinnar fær eins og kunnugt er sæti í Meistaradeildinni á næstu leiktíð.

Dortmund, sem ætlaði sér líka miklu meira en þriðja sætið í sínum Meistaradeildarriðli, lenti á móti skoska liðinu Rangers.