Körfubolti

Næstu tveimur leikjum KR frestað

Ingvi Þór Sæmundsson skrifar
Einhver bið verður á því að KR-ingar leiki sinn fyrsta leik á þessu ári.
Einhver bið verður á því að KR-ingar leiki sinn fyrsta leik á þessu ári. vísir/bára

Leik Breiðabliks og KR í Subway-deild karla í körfubolta hefur verið frestað vegna sóttkvíar og einangrunar leikmanna. Þá hefur fjórum öðrum leikjum verið frestað af sömu ástæðu.

Breiðablik og KR áttu að mætast klukkan 18:15 í fyrri leik kvöldsins í Subway-deild karla en leiknum hefur verið frestað. Sömu sögu er að segja af stórleik Vals og KR á mánudaginn.

Þá hefur tveimur leikjum í 1. deild karla og einum leik í 1. deild kvenna verið frestað. Um er að ræða leiki Hauka og Selfoss og Hattar og Selfoss í 1. deild karla og KR og Stjörnunnar í 1. deild kvenna.

Ekki hefur verið fundinn nýr leiktími fyrir leikina sem um ræðir en staðan verður tekin í byrjun næstu viku.

Einn leikur er á dagskrá í Subway-deild karla í kvöld. Klukkan 20:15 taka Íslandsmeistarar Þórs Þ. á móti Njarðvík. Leikurinn verður sýndur beint á Stöð 2 Sport.

Subway-deild karla Faraldur kórónuveiru (COVID-19) KR

Mest lesið


Fleiri fréttir

Sjá meira


×

Mest lesið