Kendall Jenner getur ekki verið án kristalla sem færa henni góða orku

Hún segir hlutina í töskunni sinni vera eitthvað sem hún er alltaf með á sér og fylgja þeir henni hvert sem hún fer. Þessi upptekna framakona ferðast mikið vegna vinnu og því má gera ráð fyrir að nauðsynjahlutir hennar hafi heimsótt hina ýmsu staði víðs vegar um heiminn.

Fyrir Jenner er mikilvægt að vera ávallt viðbúin en í töskunni leynist ýmislegt áhugavert. Má þar nefna augnhárabrettara, hnetusmjörs stangir, engifer brjóstsykur og ilmolíu (e. essential oils) sem róar taugarnar og gefur góða lykt. Jenner er greinilega passasöm á orkuna sína þar sem hún gengur alltaf með kristalla í töskunni sinni og eru hjartalaga kristallar í persónulegu uppáhaldi. Samkvæmt henni færa þeir henni ástríka og góða orku og halda neikvæðu víbrunum fjarri, enda getur það verið gríðarlega mikilvægt.

Jenner reynir að eigin sögn að tileinka sér mínimalisma þegar hún ferðast og gengur ekki um með neina óþarfa hluti. Í hópi nauðsynjavara fyrir henni eru einnig silki hárteygja, sólgleraugu þar sem hún er með viðkvæma sjón, gríma, hið mikilvæga vinnutæki síminn, ilmvatn hannað af henni sjálfri, C-vítamín, varamaski og retró filmu myndavél svo hún getið gripið hinar ýmsu minningar í ævintýralegri vegferð sinni. 

Að lokum segir Jenner innihald tösku sinnar vera frekar leiðinlegt og „beisikk“ og segir súpermódelið að sú lýsing endurspegli hana sem manneskju - en sitt sýnist hverjum. Það sem er „beisikk“ fyrir einum getur jú verið framandi fyrir öðrum. 

Hér má svo sjá Jenner í tösku viðtalinu við Vogue: