Selma Sól bætist í hóp fjölmargra Blikastúlkna í atvinnumennsku

Selma Sól hefur samið við norska félagið Rosenborg. Liðið hefur endaði í öðru sæti í norsku deildinni undanfarin ár og hefur bara vantað herslumuninn að vinna titilinn sem fór 2020 til Vålerenga og 2021 til Sandviken.

Agla María Albertsdóttir, Andrea Rán Snæfeld Hauksdóttir, Heiðdís Lillýardóttir, Kristín Dís Árnadóttir og Þórdís Hrönn Sigfúsdóttir léku allar með Blikum á síðasta tímabili en fóru síðan út í atvinnumennsku. Andrea Rán og Þórdís Hrönn á miðju tímaibli en hinar eftir að tímabilinu lauk.

Selma er 23 ára og getur spilað alls staðar á miðjunni. Hún sneri til baka í fyrrasumar eftir hnémeiðsli og var komin á fulla ferð í Meistaradeildinni síðasta haust. Þrátt fyrir ungan aldur þá er hún þegar komin með 84 leiki í efstu deild á Íslandi og þá hefur hún spilað fimmtán landsleiki.

„Selma er spennandi miðjumaður sem hjálpar okkur á komandi tímabili. Hún var á reynslu hjá okkur í síðustu viku og kom vel fyrir. Hún sýndi hæfileika sem við getum ræktað enn frekar. Hún hefur rétta hugarfarið og virðist geta aðlagað sig fljótt,“ sagði Steinar Lein, þjálfari Rosenborg í viðtali við heimasíðu Rosenborg.

„Ég var hér í síðustu viku og fyrstu kynni mín af klúbbnum voru góð. Ég er hrifin af öllu hjá félaginu og þá sérstaklega hvernig RBK liðið hefur vaxið síðustu ár. Ég náði líka vel saman við stelpurnar í liðinu. Ég tel að þetta sé rétt skrefið fyrir mig til að verða betri knattspyrnukona. Ég hlakka til að koma til Þrándheims og til RBK,“ sagði Selma Sól við heimasíðuna.