Fótbolti

Sjáðu frábæra ís­lenska sam­vinnu hjá aðalliði FCK

Óskar Ófeigur Jónsson skrifar
Orri Steinn Óskarsson fagnar marki sínu í leiknum og bendir á Hákon Arnar Haraldsson sem átti frábæra stoðsendingu á hann.
Orri Steinn Óskarsson fagnar marki sínu í leiknum og bendir á Hákon Arnar Haraldsson sem átti frábæra stoðsendingu á hann. Skjámynd/Instagram/@fc_kobenhavn

Unglingalandsliðsmennirnir Orri Steinn Óskarsson og Hákon Arnar Haraldsson eru farnir að banka á dyrnar hjá aðalliði FC Kaupmannahafnar og eru að minna á sig í æfingarleikjum liðsins.

Orri Steinn Óskarsson hefur raðað inn mörkum með unglingaliðum FCK síðustu ár en núna er hann farinn að skora í hverjum leik með stóru strákunum.

Orri Steinn skoraði annan leikinn í röð þegar FCK vann 3-2 sigur á Helsingör í æfingarleik í vikunni en hann hafði líka skorað mark í leik á móti Hvidovre.

Markið hans Orra var alíslenskt því stoðsendinguna átti nefnilega Hákon Arnar Haraldsson eins og sjá má hér fyrir ofan.

Hákon Arnar gerði mjög vel í að keyra inn á  völlinn og stinga honum síðan inn á Orra sem skoraði af stuttu færi.

Orri vildi reyndar fá annað mark seinna í leiknum en það var dæmt af vegna rangstöðu. Rangur dómur að mati sumra.

Orri Steinn er fæddur í ágúst 2004 og er því enn bara sautján ára gamall. Hákon Arnar er einu ári eldri en hann er fæddur í apríl 2003.

Orri Steinn skoraði 14 mörk í 11 leikjum með nítján ára liði FCK á fyrri hluta tímabilsins en tímabilið á undan var hann með 10 mörk í 12 leikjum.

Danski boltinn

Mest lesið


Fleiri fréttir

Sjá meira


×

Mest lesið