Tom Brady hættur

Brady, sem er 44 ára, lék 22 tímabil í NFL-deildinni og vann Ofurskálina sjö sinnum. Hann er að flestra mati besti leikmaður í sögu NFL.

New England Patriots valdi Brady númer 199 í nýliðavalinu 2000. Hann lék með liðinu til 2019 og vann Ofurskálina sex sinnum á þeim tíma.

Brady gekk í raðir Tampa Bay Buccaneers 2020 og strax á fyrsta tímabili sínu með liðinu vann það Ofurskálina í fyrsta sinn í nítján ár.

Brady komst alls tíu sinnum í Ofurskálina og var fimm sinnum valinn besti leikmaður hennar, síðast í fyrra, þá 43 ára. Þá var Brady þrisvar sinnum valinn besti leikmaður NFL.

NFL er á Stöð 2 Sport en upplýsingar um útsendingar má finna hér. NFL er hluti af Stöð 2 Sport erlent sem kostar 3.990 krónur á mánuði. Beinar útsendingar frá öllum leikjum eru á NFL Game Pass sem hægt er að kaupa sem á 2.990 krónur á mánuði fyrir núverandi áskrifendur.