Innlent

Hefur áhyggjur af því hversu auðvelt sé að flytja inn byssur

Hólmfríður Gísladóttir skrifar
Fjölnir segir að það myndi hafa miklar afleiðingar í för með sér að vopna lögregluna.
Fjölnir segir að það myndi hafa miklar afleiðingar í för með sér að vopna lögregluna. Vísir/Vilhelm

Stjórn Landssambands lögreglumanna mun funda í dag og ræða vopnaburð og öryggismál lögregluþjóna. Fjölnir Sæmundsson, formaður sambandsins, segir skoðanir skiptar á almennum vopnaburði lögreglumanna.

Frá þessu er greint í Morgunblaðinu í dag.

Þar segir að nokkur mál sem komið hafa upp nýverið þar sem skotvopnum var beitt hafi vakið umræður um það hvort endurskoða þurfi vopnaburð lögreglumanna. 

„Almennt held ég að fáir lögreglumenn vilji vera vopnaðir í vinnunni. Slík vopnavæðing mun kalla á allt annað þjóðfélag en við erum vön og allt aðra nálgun almennings við lögregluna,“ hefur Morgunblaðið eftir Fjölni. „Ef lögreglan er vopnuð þá þarf hún að halda fólki í ákveðinni fjarlægð og þá gilda aðrar umgengnisreglur en nú.“

Fjölnir bendir á að þegar ástand skapist sem krefjist vopna sé sérsveitin kölluð til. Hann segist hins vegar hafa áhyggjur af því hversu auðvelt það sé að flytja skotvopn inn til landsins, til að mynda sé nóg að segjast byssusafnari til að fá að flytja inn hríðskotabyssu.

Lögreglan Skotvopn Skotárás við Bergstaðastræti

Tengdar fréttir

Skot­á­rásir tengist oftast deilum milli aðila en al­menningur geti hlotið skaða af

Aðstoðaryfirlögregluþjónn segir skipta miklu máli að vopnalöggjöf hér á landi sé sterk og lögregla geti með skilvirkum hætti fylgt henni eftir. Þó skotárásir hér á landi hafi almennt beinst að ákveðnum aðilum sé alltaf hætta á að almenningur hljóti skaða af. Skotvopnið sem notað var í árás í miðbæ Reykjavíkur um helgina var þrívíddarprentuð byssa, en legið hefur fyrir um nokkurt skeið að nú sé hægt að nýta tæknina til slíks. 

Mögnuð tækni misnotuð: Byssur þrívíddarprentaðar á Íslandi

Skotvopnið sem notað var í árás í miðbæ Reykjavíkur um helgina var þrívíddarprentuð byssa. Slík lífshættuleg vopn er, eins og tæknin er orðin, hægt að prenta í ódýrum prenturum heima við — prenturum sem hægt er að kaupa í íslenskum raftækjaverslunum.

Skotvopnið þrívíddarprentuð byssa

Vopnið sem skotið var úr í bílastæðahúsi í miðbænum aðfaranótt sunnudags var samkvæmt heimildum fréttastofu þrívíddarprentuð byssa. Talið er að málið sé uppgjör á milli einstaklinga frekar en að það tengist skipulagðri brotastarfsemi. Tveir tvítugir karlar hafa verið úrskurðaðir í gæsluvarðhald.

Vill skoða að vopna lögregluna með rafbyssum

Jón Gunnarsson dómsmálaráðherra vill skoða að vopna almenna íslenska lögreglumenn með rafbyssum. Hann segir tölur yfir vélbyssur hér á landi sláandi en 252 sjálfvirk skotvopn voru flutt inn til landsins árið 2020.

Tvítugur árásarmaður þekkti fórnarlambið sem hann skaut í brjóstið

Um tugur lögregluþjóna vopnaðist þegar þrír ungir menn voru teknir höndum í miðbæ Reykjavíkur í nótt. Einn þeirra hafði skotið mann í brjóstið og lögreglan rannsakar nú hvort málið tengist annarri skotárás sem framin var á fimmtudaginn í síðustu viku.

Segir skelfi­lega stöðu komna upp

Dómsmálaráðherra segir það skelfilega þróun að skotárásir séu orðnar eins tíðar og raunin hefur verið að undanförnu. Hann telur að bæta þurfi rannsóknarheimildir lögreglu til að taka á skipulagðri brotastarfsemi.

„Meiri harka í þessum glæpaheimi”

Margrét Valdimarsdóttir afbrotafræðingur segir að útlit sé fyrir að aukin harka sé að færast í undirheimana. Þróunin sé óhugnanleg og að mikilvægt sé að brugðist verði við. Hins vegar sé staðan ekki orðin þannig að fólk þurfi að óttast um öryggi sitt.

Mest lesið


Fleiri fréttir

Sjá meira


×

Mest lesið