Fyrsta stig U19 í milliriðlinum

Georgía komst yfir á 73. mínútu leiksins með marki Tornike Dundua. Á síðustu mínútu venjulegs leiktíma fékk Nikolozi Tskhovrebashvili sitt annað gula spjald og þar með rautt. Fimm mínútum var bætt við en á áttundu mínútu uppbótatíma fékk Ísland vítaspyrnu sem Orri Steinn Óskarsson skoraði úr og jafnaði metin á síðustu andartökum leiksins.

Ísland er þar með komið með eitt stig í riðlinum eftir tvo leiki. Lokaleikur Íslands er gegn toppliði riðilsins, Rúmeníu, á þriðjudaginn næsta klukkan 10:00.