Jafn­tefli hjá Birki og fé­lögum | Upp og niður í Sví­þjóð

Demirspor er í harðri baráttu um Evrópusæti og jafnteflið því ekki ákjósanlegt en þar sem Hatayspor er aðeins tveimur sætum neðar í töflunni var það töluvert betra en tap.

Birkir var á sínum stað í byrjunarliði Demirspor í kvöld líkt og Mario Balotelli og Gökhan Inler. Íslenski landsliðsmaðurinn var tekinn af velli á 63. mínútu er gestirnir reyndu að hrista upp í hlutunum til að vinna leikinn. Það gekk ekki upp og lauk leiknum með 0-0 jafntefli.

Eftir leik kvöldsins eru Birkir og félagar í 6. sæti með 49 stig, þremur stigum á eftir Alanyaspor sem situr í 4. sæti deildarinnar.

Axel Óskar Andrésson spilaði allan leikinn er Örebro tapaði 3-0 fyrir Brage í sænsku B-deildinni í kvöld. Axel Óskar varð fyrir því óláni að skora sjálfsmark á áttundu mínútu leiksins. Alex Þór Hauksson var í byrjunarliði Öster er liðið vann 3-1 útisigur á Landskrona. Var þetta fyrsti leikur liðsins undir stjórn Srdjan Tufegdzic.