Íslendingaliðin Brann og Vålerenga enn með fullt hús stiga

Ingibjörg Sigurðardóttir spilaði allan leikinn í öruggum 3-0 útisigri Vålerenga gegn Arna-Bjornar, en öll mörkin voru skoruð í síðari hálfleik.

Þá var Svava Guðmundsdóttir í byrjunarliði Brann sem vann góðan 2-1 sigur í Íslendingaslag gegn Rosenborg. Selma Sól Magnúsdóttir var í byrjunarliði Rosenborg, en Bergling Björg Þorvaldsdóttir var ónotaður varamaður í liði Brann.

VÅlerenga og Brann hafa nú unnið alla fjóra leiki sína á tímabilinu og eru með 12 stig af 12 mögulegum. Þetta var hins vegar fyrsta tap Rosenborg á tímabilinu og liðið er nú með níu stig.