Svona var fundurinn þegar Arnar kynnti nýjan landsliðshóp

Sindri Sverrisson skrifar 25. maí 2022 12:45

Íslenski landsliðshópurinn kom síðast saman á Spáni í lok mars og gerði þá 1-1 jafntefli við Finnland en tapaði 5-0 fyrir Spáni. Getty/ Juan Manuel Serrano

Arnar Þór Viðarsson, þjálfari karlalandsliðs Íslands í fótbolta, sat fyrir svörum á blaðamannafundi í höfuðstöðvum KSÍ í dag þar sem hann kynnti landsliðshóp sinn fyrir komandi leiki.

Ísland á fyrir höndum þrjá leiki í Þjóðadeildinni dagana 2.-13. júní, tvo gegn Ísrael og einn gegn Albaníu, sem og vináttulandsleik við San Marínó.

Upptöku frá fundinum með Arnari má sjá hér að neðan.

Klippa: Blaðamannafundur KSÍ fyrir næstu leiki

Hópurinn var kynntur rétt fyrir fund og hægt er að skoða hann hér að neðan.

Landsliðsþjálfarinn verði meðal annars spurður út í stöðu Arons Einars Gunnarssonar sem eftir að hafa verið fyrirliði í tæpan áratug hefur ekki spilað með landsliðinu síðastliðið ár eftir ásakanir um kynferðisbrot. Héraðssaksóknari felldi fyrr í þessum mánuði niður mál þar sem Aron og Eggert Gunnþór Jónsson, leikmaður FH, voru kærðir fyrir hópnauðgun í Damörku árið 2010.

Engir leikir eru í undankeppni stórmóts á þessu ári og einu mótsleikir Íslands eru því í Þjóðadeildinni sem er öll leikin á þessu ári og lýkur með útileik Íslands gegn Albaníu í lok september.

Leikir Íslands 2022

12. janúar: Ísland 1-1 Úganda, VL
15. janúar: Ísland 1-5 Suður-Kórea, VL
26. mars: Finnland 1-1 Ísland, VL
29. mars: Spánn 5-0 Ísland, VL
2. júní: Ísrael - Ísland, ÞD
6. júní: Ísland - Albanía, ÞD
9. júní: San Marínó - Ísland, VL
13. júní: Ísland - Ísrael, ÞD
27. september: Albanía - Ísland, ÞD

VL = Vináttulandsleikur, ÞD = Þjóðadeild UEFA

Leikurinn við San Marínó kemur í stað leiks við Rússa sem voru reknir úr Þjóðadeildinni vegna innrásarinnar í Úkraínu. Það þýðir að aðeins þrjú lið eru í riðli Íslands í B-deild Þjóðadeildarinnar og ekkert þeirra fellur en efsta liðið kemst upp í A-deild.

Landsliðshópurinn