Aron ekki í landsliðinu en einn nýliði

Sindri Sverrisson skrifar 25. maí 2022 13:05

Aron Einar Gunnarsson var fyrirliði landsliðsins í tæpan áratug. vísir/bára

Arnar Þór Viðarsson hefur valið 25 leikmenn í landsliðshóp karla í fótbolta sem leikur í Þjóðadeildinni í byrjun júní. Aron Einar Gunnarsson er ekki í hópnum frekar en síðastliðið ár.

Einn nýliði er í hópnum en það er Skagamaðurinn Hákon Arnar Haraldsson sem farið hefur á kostum að undanförnu með nýkrýndum Danmerkurmeisturum FC Kaupmannahafnar.

Aron Einar er hins vegar ekki í hópnum þrátt fyrir að fyrr í þessum mánuði hafi héraðssaksóknari fellt niður kynferðisbrotamál gegn honum og Eggerti Gunnþóri Jónssyni.

Leikir Íslands í júní

Ísrael - Ísland fimmtudaginn 2. júní á Sammy Ofer Stadium kl. 18:45
Ísland - Albanía mánudaginn 6. júní á Laugardalsvelli kl. 18:45
San Marínó - Ísland fimmtudaginn 9. júní á Stadio Olimpico di Serravalle kl. 18:45
Ísland - Ísrael mánudaginn 13. júní á Laugardalsvelli kl. 18:45

Nokkrar breytingar eru á hópnum frá því í mars þegar Ísland mætti Finnlandi og Spáni í vináttulandsleikjum á Spáni.

Atli Barkarson, Arnór Ingvi Traustason, Andri Fannar Baldursson og Jón Daði Böðvarsson voru valdir í marsverkefnið en eru ekki með núna. Höskuldur Gunnlaugsson kom þá inn í hópinn í forföllum ásamt Ara Leifssyni en Höskuldur er ekki valinn núna.

Davíð Kristján Ólafsson, Valgeir Lunddal Friðriksson, Hákon Arnar Haraldsson, Willum Þór Willumsson, Mikael Anderson, Mikael Egill Ellertsson og Hólmbert Aron Friðjónsson voru ekki með í leikjunum í mars en eru í hópnum núna.

Landsliðshópinn má sjá hér að neðan.

Landsliðshópurinn

Patrik Sigurður Gunnarsson - Viking
Ingvar Jónsson - Víkingur R. - 8 leikir
Rúnar Alex Rúnarsson - OH Leuven - 14 leikir

Varnarmenn:

Daníel Leó Grétarsson - Slask Wroclaw - 7 leikir
Brynjar Ingi Bjarnason - Valerenga IF - 12 leikir, 2 mörk
Ari Leifsson - Stromsgodset - 3 leikir
Hörður Björgvin Magnússon - CSKA Moskva - 38 leikir, 2 mörk
Davíð Kristján Ólafsson - Kalmar FF - 4 leikir
Valgeir Lunddal Friðriksson - BK Häcken - 2 leikir
Alfons Sampsted - FK Bodo/Glimt - 10 leikir

Miðjumenn:

Hákon Arnar Haraldsson - FC Köbenhavn
Ísak Bergmann Jóhannesson - FC Köbenhavn - 11 leikir, 1 mark
Willum Þór Willumsson - BATE Borisov - 1 leikur
Þórir Jóhann Helgason - US Lecce - 9 leikir
Arnór Sigurðsson - Venezia FC - 18 leikir, 1 mark
Stefán Teitur Þórðarson - Silkeborg IF - 9 leikir, 1 mark
Birkir Bjarnason - Adana Demirspor - 107 leikir, 15 mörk
Aron Elís Þrándarson - Odense BK - 10 leikir
Mikael Neville Anderson - Aarhus GF - 11 leikir, 1 mark
Jón Dagur Þorsteinsson - Aarhus GF - 18 leikir, 2 mörk
Mikael Egill Ellertsson - SPAL - 4 leikir
Albert Guðmundsson - Genoa - 30 leikir, 6 mörk

Sóknarmenn:

Hólmbert Aron Friðjónsson - Lillestrom SK - 6 leikir, 2 mörk
Andri Lucas Guðjohnsen - Real Madrid - 6 leikir, 2 mörk
Sveinn Aron Guðjohnsen - IF Elfsborg - 12 leikir, 1 mark

Þjóðadeild UEFA Landslið karla í fótbolta

Tengdar fréttir

Bein útsending: Arnar kynnir næsta landsliðshóp

Arnar Þór Viðarsson, þjálfari karlalandsliðs Íslands í fótbolta, sat fyrir svörum á blaðamannafundi í höfuðstöðvum KSÍ í dag þar sem hann kynnti landsliðshóp sinn fyrir komandi leiki.

25. maí 2022 12:45

Mest lesið

Fleiri fréttir