Nýtt bóluefni gefur vonir um útrýmingu malaríu fyrir árið 2040

Bóluefnið, sem kallast R21, sýndi 77 prósenta virkni í prófunum í Burkina Faso og talið er að rannsókn sem stendur yfir í fjórum Afríkuríkjum muni skila svipuðum niðurstöðum.

R21 var þróað við Jenner Institute við Oxford-háskóla, sömu stofnun og þróaði bóluefni AstraZeneca gegn Covid-19. Það verður framleitt af The Serum Institute of India, sem stefnir á að afhenda 200 milljón skammta árlega en það er sá fjöldi sem þarf til að vinna sigur á malaríu.

Árið 2020 greindust um það bil 228 milljónir með sjúkdóminn en það jafngildir 95 prósentum af öllum tilvikum á heimsvísu.

Adrian Hill, forstjóri Jenner Institute, telur að R21 muni fækka dauðsföllum af völdum malaríu um 75 prósent fyrir árið 2030. „Með góðum meðvind gæti malaría farið úr því að verða stórkostlegt banamein í það að verða minniháttar orsök dauðsfalla árið 2030,“ segir hann.

Þá telur hann að mögulega verði hægt að útrýma sjúkdómnum fyrir árið 2040.

Ítarlega frétt um málið má finna hjá Guardian.