Djokovic vann Wimbledon í sjöunda skipti á ferlinum

Kyrgios vann fyrstu lotu leiksins en Djokovic svaraði með sigri í þremur lotum í röð en serbneski tennisspilarinn er gríðarlega öflugur á grasvöllum. 

Djokovic hefur nú unnið Wimbledon-mótið fjögur ár í röð en þetta er í sjöunda skipti sem hann ber sigur úr býtum á Wimbledon-móti. 

Þá hefur Serbinn alls borið sigurorð í 21 skipti á risamóti en það er einum sigri minna en Rafael Nadal sem er sigursælastur í sögunni. Roger Federer kemur þar á eftir með 20 sigra á risamótum.