Enski boltinn

Pulisic bannað að svara spurningum um byssulöggjöfina í Bandaríkjunum

Hjörtur Leó Guðjónsson skrifar
Christian Pulisic var einn af leikmönnum bandaríska landsliðsins í knattspyrnu sem settu nafn sitt við bréf sem liðið sendi bandaríska þinginu þar sem kallað er eftir hertri byssulöggjöf.
Christian Pulisic var einn af leikmönnum bandaríska landsliðsins í knattspyrnu sem settu nafn sitt við bréf sem liðið sendi bandaríska þinginu þar sem kallað er eftir hertri byssulöggjöf. Bill Barrett/ISI Photos/Getty Images

Christian Pulisic, leikmaður Chelsea, var einn af leikmönnum bandaríska landsliðsins í knattspyrnu sem setti nafn sitt við bréf sem liðið sendi bandaríska þinginu þar sem kallað var eftir hertri byssulöggjöf í landinu. Pulisic fékk þó ekki að svara spurningum um málið á blaðamannafundi Chelsea.

Enska úrvalsdeildarfélagið er þessa dagana statt í æfingaferð í Bandaríkjunum, heimalandi Pulisic. Leikmaðurinn sat fyrir svörum á blaðamannafundi í gær þar sem blaðamönnum gafst tækifæri til að spyrja framherja bandaríska landsliðsins spjörunum úr.

Einn blaðamaður nýtti tækifærið til að spyrja Pulisic um hans skoðanir á byssulöggjöf í heimalandi sínu. Eins og áður segir setti leikmaðurinn nafn sitt við bréf þar sem bandaríska landsliðið kallar eftir hertri byssulöggjöf.

Pulisic fékk þó ekki tækifæri til að svara spurningunni þar sem fulltrúi enska úrvalsdeildarfélagssins steig inn í og bannaði honum að tala um þessi mál.

Byssulöggjöfin í Bandaríkjunum hefur verið á milli tannanna á fólki undanfarna mánuði og jafnvel undanfarin ár. Ef fyrstu sex mánuðir þessa árs eru skoðaðir má sjá að alls létust 387 manns í 337 fjöldaskotárásum í landinu.

Enski boltinn

Mest lesið


Fleiri fréttir

Sjá meira


×

Mest lesið