Ronaldo æfði með Man Utd í dag og spilar á morgun

Erik Ten Hag, stjóri Man Utd, staðfesti það eftir 1-0 tap Man Utd gegn Atletico Madrid í Osló í dag en á morgun mun Man Utd spila gegn Rayo Vallecano á Old Trafford.

„Hann verður í hópnum á morgun. Við sjáum til hvað hann getur spilað mikið,“ sagði Ten Hag.

Ronaldo hefur ekki æft með liðinu í sumar og hefur raunar óskað eftir sölu. Hins vegar virðist ekki vera mikil eftirspurn eftir þessum 37 ára gamla Portúgala sem margir telja besta knattspyrnmann sögunnar. 

Hann mætti til Manchester í vikunni og í dag tók hann þátt í æfingu með þeim leikmönnum sem ekki fóru til Noregs eins og sjá má á mynd sem kappinn birti á samfélagsmiðlum sínum í dag.