„Ég er hérna fyrir þessa leiki”

„Ég er hérna fyrir þessa leiki,” sagði Erling Haaland eftir leik. “Að ná að snúa leiknum við þegar blæs á móti, það er frábær tilfinning.“

„Þetta snýst um að klára verkið. Þetta er það sem við gerum hérna og það sem City hefur verið að gera undanfarið,“ svaraði Haaland aðspurður af því hvernig liðinu tókst að snúa leiknum við eftir að hafa verið tveimur mörkum undir í hálfleik.

Haaland, sem fagnaði 22 ára afmæli sínu í síðasta mánuði, skoraði sína fyrstu þrennu í ensku úrvalsdeildinni í leiknum en þrennan var sú þrettánda á hans stutta ferli.

„Það er alltaf frábær tilfinning að skora mark og tilfinningin er mun betri eftir þrennu,“ sagði Erling Haaland. 

Pep Guardiola, knattspyrnustjóri Manchester City, var sammála Haaland, að leikmaðurinn væri gerður fyrir svona leiki.

„Alveg pottþétt fyrri svona leiki. Við erum ekki að gera neitt sérstakt fyrir hann sem hann hefur ekki upplifað áður annars staðar en það er mikilvægt fyrir hann að skora mörk. Hann hefur mikið markanef en í þriðja markinu sem hann skoraði, að sýna þennan styrkleika til að halda varnarmanninum fjarri og hafa líka þessi gæði til að setja boltann í netið,“ sagði Guardiola.