Enski boltinn

Man United gekk frá Rea­ding í fyrri hálf­leik

Runólfur Trausti Þórhallsson skrifar
Úr leik dagsins.
Úr leik dagsins. Twitter@ManUtdWomen

Manchester United vann einkar þægilegan 4-0 sigur á Reading í fyrstu umferð ensku úrvalsdeildar kvenna í fótbolta í dag.

Maya Le Tissier gekk í raðir Man United í sumar frá Brighton & Hove Albion og átti stórleik í dag. Hún skoraði fyrsta markið strax á 4. mínútu eftir sendingu Katie Zelem. Sú síðarnefnda bætti við öðru marki tíu mínútum síðar úr vítaspyrnu og sigurinn svo gott sem kominn í höfn þá og þegar.

Le Tissier skoraði þriðja markið um miðbik fyrri hálfleiks, aftur eftir sendingu Zelem. Evrópumeistarinn Alessia Russo skoraði svo fjórða mark Man United þegar tíu mínútur voru til loka fyrri hálfleiks.

Fleiri urðu mörkin ekki í fyrri hálfleik og raunar var ekkert skorað í síðari hálfleik en ljóst er að gestirnir virðast hafa lagt upp með að tapa ekki með meira en fjórum mörkum. Lokatölur því 4-0 og Manchester United hefur tímabilið af krafti.

Fótbolti Enski boltinn

Mest lesið


Fleiri fréttir

Sjá meira


×

Mest lesið