Enski boltinn

E­ver­ton pakkaði ný­liðum Liver­pool saman

Runólfur Trausti Þórhallsson skrifar
Everton kom, sá og sigraði á Anfield.
Everton kom, sá og sigraði á Anfield. Twitter@EvertonWomen

Síðasti leikur dagsins í ensku úrvalsdeild kvenna í knattspyrnu var viðureign Liverpool og Everton á Anfield. Fór það svo að gestirnir í Everton unnu öruggan 3-0 sigur.

Nýliðar Liverpool unnu óvæntan sigur á Englandsmeisturum Chelsea í fyrstu umferð á meðan Everton tapaði gegn Dagnýju Brynjarsdóttur og stöllum hennar í West Ham United. Það mátti því reikna með hörkuleik í kvöld en annað kom í ljós.

Megan Finnigan kom Everton yfir eftir níu mínútna leik og Jessica Park tvöfaldaði forystuna eftir rúmlega hálftíma leik. Staðan 0-2 í hálfleik og þannig var hún allt fram á 88. mínútu. Það gulltryggði varamaðurinn Hanna Bennison sigur Everton, lokatölur 0-3 á Anfield.

Bæði lið því með þrjú stig þegar tvær umferðir eru búnar. Arsenal, Manchester United og Aston Villa eru einu liðin sem hafa unnið báða leiki sína til þessa. Á sama tíma eru Manchester City, Leicester City og Reading einu liðin sem hafa tapað báðum sínum leikjum.

Fótbolti Enski boltinn

Mest lesið


Fleiri fréttir

Sjá meira


×

Mest lesið