Kvöldfréttir Stöðvar 2

Hundrað og áttatíu hafa látist af völdum Covid-19 hér á landi það sem af er ári og hafa dauðsföll af völdum sjúkdómsins aldrei verið fleiri. Við ræðum við sóttvarnalækni í kvöldfréttum sem hvetur eldra fólk til þess að fara í örvunarbólusetningu og segir veiruna skæðari en inflúensu.

Efling krefst 167 þúsund króna krónutöluhækkunar allra launa á næstu þremur árum. Félagið lagði í dag fram kröfugerð fyrir komandi kjaraviðræður og við ræðum við formann Eflingar í beinni útsendingu.

Þá förum við yfir stöðuna eftir forsetakosningarnar í Brasilíu og verðum í beinni frá skelfilegri hrekkjavökuhátíð á Árbæjarsafni. Þetta og margt fleira á samtengdum rásum Bylgjunnar og Stöðvar 2 klukkan 18:30.