Fréttir

Eftir­förin endaði með hvelli

Myndskeið sýnir hvernig fjöldi lögreglumanna stöðvaði og yfirbugaði ökumann deilibíls Hopp í dag. Sá hlýddi ekki stöðvunarmerkjum lögreglu og er sagður hafa ekið utan í minnst fjórar bifreiðar á leið sinni frá Lágmúla að Víðidal í Reykjavík. Þar af voru tveir lögreglubílar.

Innlent

„Svona er bara lit­róf mann­lífsins“

Framkvæmdastjóri Hopp Reykjavík segir að mál ökumanns sem keyrði á ofsahraða um götur borgarinnar í dag og keyrði utan í minnst fjórar bifreiðar á meðan eftirför stóð yfir sé hjá lögreglu og fyrirtækið kanni næstu skref. Almennt sé ökumönnum sem brjóti reglur hiklaust meinað að nýta sér þjónustuna oftar.

Innlent

Gríðar­leg aukning í sölu á fánastöngum

Gríðarleg aukning hefur orðið í sölu á íslenska fánanum og fánastöngum eftir að lagabreyting átti sér stað á Alþingi. Framkvæmdastjóri Íslandshúsa segir fólk hafa orð á því hve gaman var að sjá íslenska fánann blakta víða í sumar.

Innlent

Þyrlan sótti slasaðan mótorhjólamann á há­lendið

Þyrla Landhelgisgæslunnar var kölluð út á tólfta tímanum í dag vegna manns sem hafði slasast á fæti þar sem hann var í mótorhjólaferð á hálendinu. Hann var í kjölfarið sóttur af sjúkrabíl á flugvöllinn í Reykjavík og fluttur undir læknishendur.

Innlent

Mætt til Græn­lands með pyngju fulla af peningum

Bandaríkjaforseti er ekki einn um það að líta hýru auga til Grænlands. Ursula von der Leyen, forseti framkvæmdastjórnar ESB, er sögð munu í heimsókn sinni í dag boða aukinn fjárstuðning við Grænland. Þetta gerist í skugga hótana Bandaríkjaforseta um að leggja undir sig eyjuna. Erlendir miðlar setja þetta einnig í samhengi við nýafstaðna atkvæðagreiðslu þar sem Íslendingar höfnuðu aðildarviðræðum við Evrópusambandið.

Erlent

Banda­ríkja­menn sendu ekki skip til Ís­lands

Hvorki skip né þota frá Bandaríkjunum tók þátt í kafbátaleitaræfingu NATO við Íslandsstrendur, sem er hluti af Norður-Víkingi. Frá 2006 hafa Bandaríkjamenn leitt æfinguna en þátttaka þeirra var minni í ár en áður. Á næstu misserum stefna Bandaríkin á að draga úr herafla sínum í NATO-ríkjum í Evrópu.

Innlent

Gengið til tímamótakosninga í Þýska­landi

Íbúar Saxlands-Anhalt í Þýskalandi ganga til kosninga í dag en kjörstaðir voru opnaðir klukkan átta að staðartíma. Straumhvörf gætu orðið í sambandsríkinu og pólitísku landslagi Þjóðverja í kjölfar kosninganna.

Erlent

Eins og að vera kippt aftur á sjötta ára­tuginn

Logi Einarsson, menningar-, nýsköpunar- og háskólaráðherra, segist hafa liðið eins og honum væri kippt aftur til fortíðar í upphafi viku þegar síðasti kvöldfréttatími Sýnar var sendur út. Hann segir breytinguna vera afskaplega slæma, sér í lagi þar sem það hafi aldrei verið mikilvægara að geta treyst á sterka, áreiðanlega, góða og ritstýrða fjölmiðla.

Innlent

Gul við­vörun vegna hvass­viðris á Suð­austur­landi

Veðurfræðingar vara við hvassviðri á Suðausturlandi seint í kvöld og nótt með hviðum sem geta náð allt að 36 metrum á sekúndu. Eru vegfarendur hvattir til að aka varlega og þá sérstaklega þeir sem eru á ökutækjum sem taka á sig mikinn vind, svo sem ferðavagnar.

Veður

Snert á stöðu ferða­þjónustu og fjöl­miðla í Sprengi­sandi

Sprengisandur er á sínum stað á Bylgjunni í dag en þar fær Páll Magnússon þáttastjórnandi til sín góða gesti og ræðir við þá samfélagsmálin sem brenna á þjóðinni. Í þætti dagsins eru fyrst og fremst tvö mál á dagskrá en það eru staða í ferðaþjónustu og staða einkarekinna fjölmiðla hérlendis.

Innlent

Vara við snörpum hviðum

Veðurstofan varar við snörpum vindhviðum við fjöll sunnan- og suðaustantil á landinu í kvöld, einkum undir Vatnajökli en einnig undir Eyjafjöllum. Hiti verður á bilinu 6 til 16 stig, mildast suðvestanlands, í dag.

Veður

Funduðu í Moskvu um enda­lok stríðsins

Vladimír Pútín Rússlandsforseti fundaði með sendinefnd Bandaríkjaforseta í Moskvu í dag. Sendinefndina skipa erindrekar Donalds Trump og Hvíta hússins, Steve Witkoff og Jared Kushner, tengdasonur Trumps, en tilgangur hennar er að binda enda á innrásarstríðið.

Erlent

Narsarsuaq-flugvöllur að öðlast fram­halds­líf

Helsti tengiflugvöllur milli Grænlands og Íslands um áratugaskeið, flugvöllurinn í Narsarsuaq, er á leið með að öðlast framhaldslíf. Varnarmálaráðherra Danmerkur hefur óskað eftir samþykki fjárlaganefndar danska þingsins fyrir fjárveitingu sem tryggir lágmarksrekstur Narsarsuaq-flugvallar í ár og næsta ár.

Innlent

Posarnir komnir í lag á ný

Posar Teya sem tengdir eru við kassakerfi eru komnir í lag á ný og kerfið sem olli biluninni er orðið stöðugt að sögn fjártæknifyrirtækisins. Langar raðir mynduðust víða vegna bilunarinnar sem kom upp um tuttugu mínútur í þrjú í dag. 

Innlent

Þyrlan kölluð út vegna slyss við Sólheimajökul

Þriggja bíla árekstur varð rétt austan við Sólheimajökul á sjöunda tímanum í kvöld. Fjórir voru fluttir á Landspítalann með þyrlu Landhelgisgæslunnar til aðhlynningar vegna slyssins. Þar af voru tveir alvarlega slasaðir. Langar bílaraðir hafa myndast þar sem veginum hefur verið lokað meðan á vinnu á vettvangi stendur. 

Innlent

Á­fall og tjón að missa skyndi­lega teljarann

Vilborg Arnarsdóttir missti son sinn í bílslysi á Súðavíkurvegi fyrir 25 árum. Fjórum árum eftir andlát hans lét hún draum sinn rætast og opnaði leikvöllinn Raggagarð, á Súðavík. Teljari var settur upp í garðinum fyrir sjö árum svo hún myndi vita hversu margir heimsæktu garðinn. Teljarinn hætti skyndilega að virka í lok maí þegar slökkt var á 2G og 3G netinu.

Innlent

Vara við manni sem hafi óskað eftir per­sónu­upp­lýsingum nem­enda

Stúdentafélag Háskólans á Akureyri (SHA) hefur varað stúdentaráð annarra háskóla við háttsemi manns sem hafi haft samband við nemendur skólans og beðið þá um að senda sér gögn úr innra kerfi háskólans. Að sögn forseta Stúdentafélagsins hafi maðurinn ætlað að nýta sér upplýsingarnar í hagnaðarskyni en hann reki fyrirtæki sem bjóði upp á undirbúningsnámskeið fyrir háskólanema.

Innlent

Mest lesið