Hand­tekinn grunaður um morð á barns­hafandi konu

Konan var myrt á fimmtudaginn í síðustu viku er hún var á leiðinni heim úr vinnu í bænum Holbæk á Sjálandi. Hún hafði sest inn í bíl sinn þegar maðurinn réðst á hana og stakk hana margsinnis. Samstarfsfélagi konunnar reyndi að stöðva manninn en tókst ekki að bjarga lífi hennar. 

Í grein DR kemur fram að barn konunnar hafi lifað árásina af. Talið er að konan hafi verið skotmark mannsins og að árásin hafi ekki verið gerð að handahófi. 

Rannsókn málsins er enn í fullu gangi að sögn lögreglunnar í Holbæk. Lögreglan leitar nú að tveimur karlmönnum sem eru taldir hafa orðið vitni að árásinni. Þeir eru grunaðir um að hafa verið að fremja rán í nágrenninu en lögreglan hefur sagt að þeir verði ekki handteknir vegna þess gefi þeir sig fram.